ട്രിവാണ്ട്രം ലോഡ്ജ് ഒരു ന്യൂ ജനറേഷന് സിനിമ ആണെന്നാണ് അതിനു പിന്നില് പ്രവര്ത്തിച്ചവരുടെ അവകാശവാദം .എന്താണ് ന്യൂ ജനറേഷന് സിനിമ എന്നതുകൊണ്ട് അവര് ഉദ്ദേശിക്കുന്നത് എന്ന് മനസിലാകുന്നില്ല .എങ്ങനെയാണ് ഇത്തരം സിനിമകള് ന്യൂ ജനറേഷന് സിനിമ ആകുന്നത് .അനൂപ് മേനോന് എന്ന നടന് ഉണ്ടെങ്കില് സിനിമ ന്യൂജനറേഷന് ആകുമോ?എന്റെ ഒരു സംശയം ആണ് തെറ്റാണെങ്കില് ക്ഷമിക്കുക .
രണ്ടു ദിവസങ്ങള്ക് മുന്പാണ് ട്രിവാണ്ട്രം ലോഡ്ജ് എന്ന സിനിമ കണ്ടത് .സംശയിക്കണ്ട തീയേറ്ററില് പോയി തന്നെ ആണ് കണ്ടത്.തിയേറ്ററില് ന്യൂ ജനറേഷന് മാത്രം(15-35) .അതും ആണ്കുട്ടികള് മാത്രം .അറിയാതെ എങ്ങനെയോ പെട്ടുപോയ രണ്ടു ഫാമിലിയും ഉണ്ട്.സിനിമ തുടങ്ങാന് മിനിറ്റുകള് മാത്രം .യുവത്വത്തിന്റെ ആഘോഷം .കൂകിവിളി കൂടി കൂടി വന്നു .എല്ലാവരെയും നിശബ്ദരാക്കി പടം തുടങ്ങുന്നു .
പടം തുടങ്ങി എല്ലാ സിനിമകളും പോലെ ഇതും അമേരിക്കയിലല്ല ,ഉഗാണ്ടയില് അല്ല പിന്നെയോ നമ്മുടെ ഇന്ത്യയില് ,കൊച്ചു കേരളത്തില് അതും നമ്മുടെ സ്വന്തം ഫോര്ട്ടുകൊച്ചി ആണ് ലൊക്കേഷന് .എന്തുകൊണ്ടാണ് ഇത്തരം സിനിമകള് ഫോര്ട്ടുകൊച്ചിയില് ചുറ്റിത്തിരിയുന്നത് എന്നറിയില്ല ..ഒരു കടലും രണ്ടു ബെഞ്ചും ഉണ്ടെങ്കില് ന്യൂ ജനറേഷന് സിനിമ ആകുന്ന കാലം ആണ് .പേര് പോലെ തന്നെ ഒരു ലോഡ്ജിന്റെ കഥയാണ് .ഒരു പഴയ ലോഡ്ജും കുറെ അന്തേവാസികളും .ഇപ്പോഴും പിയാനോ വായിച്ചുകൊണ്ടിരിക്കുന്ന ഒരു വയസന് ,വായിട്ടലക്കുന്ന ഒരു അമ്മൂമ്മ .സിനിമ മോഹിച്ചു നടക്കുന്ന ഒരു ചെറുപ്പക്കാരന് അയാളെ പറ്റിച്ചു ജീവിക്ക്ന്ന ഒരു സിനിമ വാരികയുടെ ഉടമ .വെറുതെ വാചകമടിച്ചു നടക്കുന്ന ഒരു വൃദ്ധന് .പിന്നെ കഥാനായകന് ജയസുര്യയുടെ അബ്ദു. ഇത്രയും ആളുകളാണ് അവിടുത്തെ അന്തേവാസികള് .
ആര്കും വീടും കുടിം ഉള്ളതായി പറയുന്നില്ല .എല്ലാവരും വര്ഷങ്ങള് ആയി അവിടെ താമസിക്കുന്നു എന്ന് മനസിലാകുന്നു .ഇങ്ങനെ കുറച്ചു അനാശ്യാസവും ഒക്കെയായി കഴിയുമ്പോഴാണ് അവിടേക്ക് ഒരു പെണ്ണ് വന്നു കയറുന്നത് .അവള ആണെങ്കില് ഭര്ത്താവിനെ എങ്ങനെയെങ്കിലും ഒഴിവാക്കാന് നടക്കുന്നത് .ഒരു നോവല്എഴുതാനയിട്ടാണ് ധ്വനി എന്ന പെണ്കുട്ടി വരുന്നത് .അവള്ക് വേറെയും ഗൂഡ ഉദ്ദേശങ്ങള് ഉണ്ട്.മറ്റൊരു കഥാപാത്രം അനൂപ്മേനോന് അവതരിപ്പിക്കുന്ന രവിശങ്കര് ലോഡ്ജിന്റെ ഉടമ ആണ് .ഭാര്യ മരിച്ച അയാള് മകനോട് ഒപ്പമാണ് താമസം .രവിശങ്കറും ഭാര്യയും ആയിട്ടുള്ള അഗാധ ബന്ധത്തിന്റെ ഫ്ലാഷ്ബാക്കുകള് പാട്ടിലൂടെ കടന്നു വരുന്നു .മാതൃക ദമ്പതികള് ആയിരുന്നു അവര്... ......
ധ്വനിക്ക് അബ്ദുവിനോട് തോന്നുന്ന പ്രണയം ആണ് ഇതിലെ പ്രധാന കഥ .മറ്റൊന്ന് രണ്ടു ചെറിയ കുട്ടികളുടെ പ്രണയം .അവരുടെ ഉള്ളിലും പ്രണയം ഉണ്ടെന്നാണ് സിനിമ പറഞ്ഞു വരുന്നത് .അത് പ്രണയം തന്നെയാണോ എന്ന് കാണുന്നവര്ക് സംശയം തോന്നാം എങ്കിലും .പിന്നെ അവസാന സീനുകളില് ഉപദേശങ്ങള് കൊണ്ട് പ്രേക്ഷകരെ ബുദ്ധിമുട്ടിക്കുന്നു .ദാമ്പത്യം എങ്ങനെ ആയിരിക്കണം എന്നൊക്കെ ഉപദേശം .ആ സീനുകള് കാണുമ്പൊള് ചില ഇംഗ്ലീഷ് സിനിമകള് മനസിലെക്ക്ക് കയറിവരും .
പാട്ടുകള് മനോഹരമായി ചിത്രീകരിച്ചിരിക്കുന്നു .ഹൃദ്യമായ വരികള് . സിനിമ ന്യൂ ജനറേഷന് ആണെന്ന് പ്രേക്ഷകരെ ഓര്മിപ്പിക്കുന്ന ചില സീനുകള് ഡയലോഗുകള് . സ്ത്രീ ലൈംഗികതയുടെ സ്വാതന്ത്ര പ്രഖ്യാപനം ആണ് സിനിമ.ഡയലോഗുകളും അങ്ങനെ തന്നെ .ഫാമിലി ആയിരുന്നു കാണാന് ബുദ്ധിമുട്ടുള്ള സിനിമ .ന്യൂ ജനറേഷന് സിനിമ .....!!
NB :അഭിപ്രായങ്ങള് വ്യക്തിപരം .....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ