സ്പോട്ട് ഫിക്സിങ്ങ് വിവാദത്തിൽ പെട്ട ശ്രീശാന്തിനെ മാധ്യമ വിചാരണ നടത്തി ശിക്ഷ വിധിക്കാനാണ് എല്ലാവരും ആഗ്രഹിക്കുന്നത് .ഒറ്റ ദിവസം കൊണ്ട് പ്രശസ്തിയുടെ മണിമാളികയിൽ നിന്നു മൂക്ക് കുത്തി പാതാളത്തിലേക്ക് വീണ താരം ആയി ശ്രീശാന്ത്.മാധ്യമങ്ങൾ അത് ആഘോഷമാക്കി .എന്ത് കൊണ്ട് അങ്ങനെ സംഭവിച്ചു എന്ന് ആരും ചിന്തിച്ചില്ല.
കുറച്ചു സമയം കൊണ്ട് വളരെയധികം പണവും പ്രശസ്തിയും കിട്ടുന്ന ഏതൊരു ചെറുപ്പക്കാരനും സംഭവിക്കുന്നത് തന്നെ ശ്രീശാന്തിനും സംഭവിച്ചു .പണം വല്ലാത്ത മയക്കു മരുന്ന് ആണ് എന്ന് തിരിച്ചറിയാതെ പോയതാണ് ശ്രീശാന്തിനു സംഭവിച്ച തെറ്റ് .ടീമിൽ ഉണ്ടായിരുന്നപ്പോൾ കിട്ടിയിരുന്ന പണവും പ്രശസ്തിയും ടീമിൽ നിന്ന് പുറത്തു പോയപ്പോൾ കുറഞ്ഞു വന്നു .എന്നാൽ ആഘോഷത്തിനു കുറവ് ഉണ്ടായതും ഇല്ല.പണത്തിന്റെ ആവശ്യം കൂടി വന്നു.അപ്പോൾ മറ്റു വഴികളിലേക്ക് തിരിയേണ്ടി വന്നു.തീര്ത്തും യാദ്രിശ്ചികം ആയി പിടിക്കപ്പെടുകയും ചെയ്തു.കുത്തഴിഞ്ഞ ജീവിതത്തിനു ശ്രീശാന്ത് കൊടുക്കേണ്ടി വന്ന വില വളരെ കൂടിപ്പോയി.
ക്രിക്കറ്റിനെ സ്നേഹിക്കുന്നവരുടെ മനസിൽ ശ്രീശാന്ത് കുറ്റവാളി ആയി .പണ്ടേ ഒരു പ്രശ്നക്കാരൻ ആയിരുന്ന ശ്രീശാന്തിനെ എല്ലാവരും കുറ്റപ്പെടുത്തി .എങ്കിലും നമ്മൾ ഓര്ക്കണം ഇത് സംഭവിച്ചത് ഒരു ipl മാച്ചിൽ ആണ് .ദേശിയ ക്രിക്കറ്റ് മത്സരങ്ങളിൽ രാജ്യത്തിന് എതിരായി പ്രവര്ത്തിച്ച അജയ് ജഡേജ ,അസ്ഹർ എന്നിവരെ നമ്മൾ വെറുതെ വിട്ടിട്ടുണ്ട് .അവരെ പിന്നീടും നമ്മൾ പല സ്ഥാനങ്ങൾ കൊടുത്തു സ്വീകരിച്ചിട്ടും ഉണ്ട് .അതുകൊണ്ട് ശ്രീശാന്ത് ചെയ്തത് തെറ്റ് അല്ലാതാകുന്നില്ല .അതിനു നിയമം അനുശാസിക്കുന്ന ശിക്ഷ കിട്ടട്ടെ .എങ്കിലും ശ്രീശാന്ത് ഒരു അവസരം കൂടി അർഹിക്കുന്നു .
ഇഗ്നറന്സ് ഈസ് നോട്ട് ആന് എക്സ്ക്യൂസ്
മറുപടിഇല്ലാതാക്കൂ